Shperthimi me tritol qe ndodhi ne pronen e biznesmenit Jani Zaka nje muaj me pare, dyshohet se ka qene nje paralajmerim per te, pasi ai nuk pranoi te paguante gjoben e vendosur nga Emiliano Shullazi.
Po cfare ndodhi ne 13 mars, ne rrugen e Kavajes?
Pak pasi kishte kaluar mesnata, te dielen e dates 13 mars ne rrugen e Kavajes, banoret prane Parkut te Autobuseve u tronditen nga nje shperthim i fuqishem tritoli. Nje dite me pas, u raportua se zhurma e shperthimit ishte degjuar disa km larg. Policia e Tiranes njoftoi se 200 gram tritol ishin vendosur ne deren e garazhit te shtetasit Jani Zaka, ndertues i njohur ne Tirane.
Ngjarja mbeti e pazbardhur dhe thuajse u harrua, ne morine e shperthimeve te tritolit qe ndodhin vazhdimisht ne kryeqytet.
Policia u mjaftua me njoftimin e nje dite me pas, ndersa mediat u mjaftuan me raportimin se prona ku ishte vendosur tritoli ishte e biznesmenit Jani Zaka.
Ngjarja rikthehet ne vemendje nje muaj me pas, si nje moment kyc ne dosjen kunder Emiliano Shullazit, nje prej emrave me te perfolur te botes se krimit.
Biznesmeni Jani Zaka duket se ka pasur vetem nje te dyshuar per tritolin e vendosur ndaj tij. Sic rezultoi me pas, Zika rrefeu ne prokurori te gjitha dyshimet qe kishte ndaj Shullazit dhe me pas u largua nga Shqiperia.
Ne dosjen qe Prokuroria e Krimeve te Renda kunder Shullazit, deshmia e Arjan Zikes eshte nje nga provat me te rendesishme. Te dyshuarit ishin ne pergjim nga Sherbimi Informativ Shteteror me akuzen e gjobevenies. Emiliano Shullazi, Gilmando Dani dhe Blerim Shullazi akuzohen per vepren penale te shkaterimit te prones private me eksploziv, kanosje me qellim perfitimi te pasurise ne dem te shtetasit Jani Zaka.
Policia e Tiranes sakteson se arrestimi i tre shtetasve eshte bere rreth ores 1 e 30 pas mesnate te dates 17 prill, pas urdherit te Prokurorise se Krimeve te Renda. Deri ne ate moment, mendohet se policia ishte shmangur plotesisht nga hetimet dhe prokuroria i kishte mbeshtetur hetimet ne punen e Sherbimit Informativ Shteteror.
