Policia e Tiranës me urdhër të Prokurorisë ka shpallur në kërkim katër persona të dyshuar për ngjarjen e Astirit ku një 21-vjeçare e mbyllur në banesë alarmoi autoritetet.
Ata akuzohen për armët e zjarrit, kokainën dhe një jelek antiplumb që u gjetën në një prej banesave. Ata bashkë me 3 vajza mes tyre edhe 21-vjeçarja kanë festuar mbrëmjen e të mërkurës dhe në orët e para të mëngjesit të së enjtes në dy banesat e marra me qira ditore.
Vajza është shprehur se ka shkuar me dëshirën e saj në banesë, por sipas saj, kur ka parë që kanë armë është frikësuar. Ndryshe sa ka pretenduar gjatë telefonatës në polici ajo ka deklaruar se nuk e kanë dhunuar. Nga akt ekspertiza e kryer rezulton se nuk ka shenja dhune në trupin e 21-vjeçares.
Sipas informacioneve, i dashuri i 21-vjeçares është identifikuar si Joni Sadikaj Në vitin 2017, Sadikaj bashkë me 4 persona të tjerë është arrestuar në Kavajë për tentativën e trafikimit të 1.3 tonë kanabis drejt Italisë. Në atë kohë, ai është hetuar nga ish-prokuroria e Krimeve të Rënda.
Joni Sadikaj është arrestuar dhe në korrik të 2023 pasi iu gjet me vete një armë pa leje, një krehër si dhe municion luftarak.
