Të tjera detaje janë zbardhu nga ngjarja e rëndë ku nëna me tre fëmijët e saj janë vetmbytur në lumin Buna. Trupi i vetëm që është gjetur është i vazjës 9 vjeçe, ndërkohë vijojnë kërkimet për gjetjen e trupit të 39-vjeçares dhe dy fëmijëve të tjerë.
Edhe pse më herët u tha se në trupin e 9-vjeçares janë konstatuar shenja dhune, policia nëpërmjet një njoftimi zyrtar konfirmon se nuk ka patur shenja dhune ne trupin e të miturës.
“Në lidhje me informacionin e dhënë më parë, për gjetjen në ujërat e lumit Buna, të trupit të pajetë të 9-vjeçares, ju informojmë se nga këqyrja paraprake e trupit të të miturës, në prani të ekspertit mjeko-ligjor, nuk janë konstatuar shenja dhune. Policia e Shkodrës, në drejtimin e Prokurorisë së Shkodrës, po vijon punen për zbardhjen dhe dokumentimin e rrethanave të këtij rasti.”, thuhet në njoftimin e policisë.
Policia ka arrstuar Erdgys Arrazi, i cili akuzohet se ka ushtruar dhunë ndaj fëmijëve dhe bashkëshortes së tij, duke i shtyrë që të shkojnë drejt vetëvrasjes. Ka qenë motra e 39-vjeçares e cila ka deklaruar në polici se Erdgys Arrazi ushtronte dhunë ndaj fëmijëve dhe gruas së tij.
Sipas informacioneve, Alma Arrazi kishte mësuar edhe për një tradhti nga bashkëshorti i saj, ndërsa para se të hidhej nga ura e lumit Buna së bashku me 3 fëmijët e saj kishte pirë kafe me kunatën. Kjo e fundit ka deklaruar se nuk ka parë shenja shqetësimi tek 39-vjeçarja dhe se nuk kishte dyshuar se mund të ndërmerrte një akt të rëndë.
