Policia e Shkodrës ka dhënë informacion zyrtar në lidhje me ngjarjen e rëndë të ndodhur sot në lagjen “Mark Lula” në Shkodër.
Sipas Policisë, rreth orës 11:15, janë gjetur në një automjet, shtetasi Kolë Manaj 34 vjeç dhe shtetasja Anila Prendushi me plagë të shkaktuara nga armë zjarri.
Kolë Manaj ka humbur jetën, ndërsa Anila Prendushi është dërguar në spital, në gjendje shumë të rëndë.
Shërbimet e Policisë kanë shkuar menjëherë në vendin e ngjarjes dhe po kryejnë veprimet hetimore për rastin.
Nga veprimet e para rezulton se automjeti nuk ka dëmtime të jashtme të shkaktuara nga armë zjarri. Në brendësi të automjetit është gjetur një armë zjarri pistoletë. Grupi hetimor, në drejtimin e Prokurorisë, vijon punon për zbardhjen e rrethanave të ngjarjes.
