Pas gjetjes të pa jetë të 9-vjeçares, autoritetet vijojnë kërkimet për gjetjen e trupave të dy fëmijëve dhe Alma Arrazit në Lumin Buna. Dyshohet se 39-vjeçarja është vetëmbytur së bashku me tre fëmiojët e saj në lumë, për shkak të dhunës së ushtruar nga bashkëshorti i saj, Erdgys Arrazi.
Ky i fundit, është arrestuar nga policia, por ka refuzuar ë japë detaje para uniformave blu lidhur me marrëdhënien dhe akuzat e ngritura ndaj tij të shkaktimit të vetëvrasjes.
Ai është treguar i ftohtë dhe fjalë pak gjatë marrjes në pyetje. 31 vjeçari ka mohuar dhunën e ushtruar ndaj fëmijëve dhe gruas. Ai nuk ka shfaqur asnjë ndjesi kur policia i ka dhënë lajmin për vdekjen e fëmijëve dhe të gruas.
Sipas policisë ai ushtronte më shumë dhunë psikologjike sesa fizike. Pas denoncimit për zhdukjen e tyre ka qenë motra e gruas e cila i tha policisë për dhunën që ushtronte 31 vjeçari ndaj bashkëshortes dhe 3 fëmijëve. Kjo deklaratë ka shërbyer si Indicie për të kryer hetime.
Për gjetjen e gruas dhe dy fëmijëve të tjerë të mbytur policia ka krijuar disa grupe kërkimi. Janë polumbaret e RENEA nga Tirana, shërbimet e Policisë së Shkodrës, asaj kufitare dhe vullnetare, banorë apo peshkatarë. Kërkimet janë nga shtrirë nga ura e vjetër e lumit Buna deri në Velipojë.
