TIRANE- Një ditë pas ngjarjes në Sheraton ku u krye një vjedhje në mes të ditës policia ka shpjeguar si ka ndodhur skena e krimit por nuk ka thënë asnjë informacion për autorët e dyshuar.
Sipas një njoftimi për mediat dërguar nga Policia e Tiranës, në ambientet e jashtme të hotelit ka ndodhur një grabitje me dhunë, ku është marrë një shumë e konsiderueshme vlere monetare. Policia nuk e ka specifikuar vlerën, por vetë të dëmtuarit kanë thënë se bëhet fjalë për 180 milionë lekë (të vjetra).
Sakaq Policia thotë se autorët nuk kanë qenë me maska dhe as me armë. “Njëri nga autorët ka qëlluar me shkelm”, thuhet më tej.
Njoftimi i policisë
Nga hetimet paraprake dhe kqyrjes së kamerave në vendin e ngjarjes, ka rezultuar se shtetasve S. H., 38 vjeç, banues në Tiranë, me detyrë arkëtar i një firme këmbimi valutor, B. Xh., 55 vjeç, banues në Tiranë, me detyrën e shoqëruesit të vlerave monetare të kësaj pike këmbimi valuator, në momentin që kanë dalë nga një bankë e nivelit të dytë, u janë afruar dy persona pa maska dhe pa armë, ku njëri nga dy autorët e kësaj ngjarje i ka marrë çantën me shumën monetare shtetasit S. H., ndërkohë bashkëpuntori ka goditur me shkelm shoqëruesin, shtetasin B. Xh dhe janë larguar me vrap drejt motorrit që e kishin lënë vetëm pak metra më larg.
Grupi hetimor po vazhdon punën për identifikimin dhe vënien para përgjegjësis së autorëve të kësaj vepre penale.
