Policia ka reaguar për ngjarjen e rëndë të raportuar sot në Rrogozhinë, ku një djalë dhunoi familjarët e tij dhe madje u akuzua nga e motra se kishte abuzuar seksualisht me të.
Kështu sipas policisë, i arrestuari Agim D. nuk ka kryer marrëdhënie seksuale me të motrën.
Ky është përfundimi i ekspertizës mjekoligjore, sipas policisë. Megjithatë, Agim D. do mbetet prapa hekurave për dhunë në familje.
Reagimi i policisë
Në lidhje me komunikatën e dhënë nga Drejtoria Vendore e Policisë Tiranë, mbi arrestimin e shtetasit Agim D., se ka ushtruar dhunë fizike dhe psikologjike ndaj familjarëve të tij, disa portale kanë publikuar se ky shtetas dyshohet se ka kryer marrëdhënie seksuale me motrën e tij. Bëjmë me dije dhe sqarojmë se nga familjarët e Agim D. dhe motra e tij e mitur, ka patur pretendime për një veprim të tillë, por nga ekzaminimi mjeko ligjor, rezultoi se vajza e mitur, nuk ishte defloruar, pra nuk ka kryer marrëdhënie seksuale.
