Policia ka reagur lidhur me ngjarjes e ndodhur pak minuta më parë në Laç. Sipas njoftimit zyrtar, pas një konflikti të çastit kanë mbetur të plagosur me armë pesë persona.
Të plagosurit janë Liridon Ismaili Daniel Gjeloshi Geri Bitri, Angjelina Gjezaj, Amarildo Ndoj, të cilët janë transportuar te Trauma.
Policia njoftoi se ngjarja dyshohet të ketë ndodhur si pasojë e një konflikti të çastit mes disa personave.
Kurbin/Informacion paraprak
Rreth orës 13.30, pranë ish-Gjykatës së Kurbinit, dyshohet se si pasojë e një konflikti të çastit midis disa personave, kanë mbetur të plagosur me armë zjarri shtetasit L. I., A. Gj., G. N., A. N, dhe D.Gj, të cilët janë dërguar menjëherë për ndihmë mjekësore më të specializuar në spitalin e Traumës në Tiranë.
Me marrjen e njoftimit, shërbimet e Policisë kanë shkuar menjëherë në vendin ngjarjes, ku kanë bërë të mundur shoqërimin e disa personave dhe në ndihmë të Policisë Vendore kanë shkuar dhe Forcat Kombëtare të Sigurisë Njësia Shkodër.
Grupi hetimor nën drejtimin e Prokurorisë po punon për sqarimin e plote të rrethanave të ngjarjes dhe dokumentimin ligjor të saj, si dhe për kapjen e shtetasit që qëlloi me armë gjatë konfliktit të çastit, i cili është identifikuar nga ana jonë dhe vijon puna për kapjen e tij.
