Në minutat e para, Policia e Tiranës duket se ka shpërndarë një informacion të pasaktë për gazetarët lidhur me ngjarjen e ndodhur sot në zonën e ish-bllokut.
Biznesmeni që u qëllua me armë teksa konsumonte një kafe në lokal, Tefik Hyka ka mbetur i plagosur në kokë, por është në jetë.
Lajmi u konfirmua më pas nga drejtori i policisë Ardi Veliu i cili doli përpara mikrofonave për të thënë se kemi të bëjmë me një plagosje dhe jo vrasje. “Rreth orës 10:20 kemi marrë telefonatë për të shtëna. I plagosur është dërguar në spital. Po punohet për zbardhjen e ngjarjes”, tha ai.
Gjithsesi edhe informacioni më i hershëm i transmetuar nga të gjithë mediat dhe që fliste për vrasje iu referua burimeve policore, duke çuar kështu në një dezinformim. /Opinion.al
