Autoritetet kanë mundur të shpëtojnë dy sërfistët të cilët sot mbetën në bregdetin e Semanit.
Mësohet se dy personat ishin vëllezërit Ermal dhe Spartak Saliaj të moshës 28 dhe 48 vjeç.
Policia deklaron se për shpëtimin e tyre ndihmuan edhe qytetarët. Ndërkohë, dy sërfistët po transportohen për në Spitalin e Fierit dhe janë në gjendje të mirë shëndetësore.
NJOFTIMI NGA POLICIA
Fier-Informacion paraprak
Sot rreth orës 16:20, njoftohemi se dy shtetas duke bërë sërf kanë mbetur në mes të detit.
Menjëherë pas njoftimit janë nisur drejt bregdetit të Semanit shërbimet e DVP Fier dhe forcat e Policisë Kufitare Vlorë cilët në bashkëpunim edhe me qytetarët e zonës bënë të mundur shpëtimin e të dy personave që po bënin sërf.
Dy shtetasit (vëllezër), E. S., 28 vjeç dhe S. S., 48 vjeç, banues në Havales, Fier, po transportohen në Spitalin e Fierit dhe janë në gjendje të mirë shëndetësore./ Opinion.al
