Tirana nuk ka shkuar më shumë se një barazim 1-1 në ndeshjen e radhës në kampionat përballë Bylisit.
Bardheblutë bën një hap tjetër të vogël në drejtim të titullit kampion, por që lejon Partizanin të afrohet gjithnjë edhe më shumë nëse fiton ndeshjen e së dielës.
Vendasit kaluan të parët në avantazh Esquerdinha në minutën e 65 të takimit, pas një pjese të parë të vakët e me pak raste shënimi.
Kryeqytetasit kaluan të gjithë në sulm pasi nuk kishin asgjë për të humbur dhe vetëm në minutën e 90 arritën të barazonin falë një autogoli të Damcevskit.
Në këtë formë, Tirana ia doli të evitonte disfatën teksa pas kësaj pike mban kreun me 44 pikë. Nga ana tjetër, Bylis renditet në vendin e nëntë me 28 pikë.
