Aq shumë janë frikësuar europianët nga sulmet terroriste në Paris, por edhe ajo që po ndodh më pas, me alarmet e shtuara për bomba, masat e shtuara të sigurisë, sa tani çdo gjë u duket e lidhur me ISIS dhe terrorizmin.
Ka ndodhur në Fidenzia të Parmës në Itali, ku një flamur i ngritur në ajër i cili ishte flamuri i Zelandës së Re në rugby, i ngritur për nder të kampionit të botës Jonah Lomu, i cili humbi jetën dy ditë më parë, është alertuar nga asistuesit si flamur i ISIS.
Me dhjetra telefonata kanë shkuar në forcat e policisë të cilët kanë zbuluar se kishin të bënin me një keqkuptim. Një i apasionuar pas regbisë kishte menduar të nderonte vdekjen e kampionit neozelandez Jonah Lu, duke shpalosur në taracën e një kati të lartë flamurin e kombëtares së Zelandës së Re me pendën e argjendtë, por kush e shikonte të valëvitej flamurin i dukej si ai i Shtetit Islamik. “Përjetova drithma kur pashë të shpalosej ai flamur atje lart”, tha një nga banorët.
