Mediat greke dhe ato shqiptare kanë botuar sot fotografinë e atij që po cilësohet si “Eskobari i Ballkanit”, personi që mendohet se drejton rrjetin e trafikut të drogës të shpërndarë në disa shtete europiane.
Deri më sot njihej vetëm emri i tij, Dhimitër Poti dhe mediat greke e më pas ato shqiptare e kanë prezantuar si biznesmen nga Saranda.
Sot ka dalë në publik edhe fotografia e parë e tij, raporton “Zathur”.
Fotoja tregon vëllezërit Poti të arrestuar së fundmi.
Personi në të majtë është “Dhimitri” dhe ai në të djathtë, Xhevahiri.
Por sapo është publikuar fotografia, në Kukës kanë njohur menjëherë një person banor të qytetit të tyre.
Në fakt, ai që në dokumentat greke të hetimit dhe në raportimet e mediave njihet si Dhimitër Poti nga Saranda në fakt quhet Gëzim dhe është nga Kukësi
Burime policore konfirmuan se personat në foto janë vëllezërit Gëzim dhe Xhevahir Poti nga Kukësi.
Identiteti i ndyshuar nga Gëzim në Dhimitër dhe vendlindja e ndryshuar nga Kukës në Sarandë duhet të ketë ndodhur gjatë qëndrimit të Potit në Greqi.
