Policia e Fierit ka vënë në pranga një 63-vjeçar i cili dyshohet se ka ngacmuar seksualisht në rrugë një 14-vjeçare.
“Specialistët e Komisariatit të Policisë Fier arrestuan në flagrancë shtetasin H. P., 63 vjeç, banues në Fier, pasi dyshohet se në rrugë, ka ngacmuar seksualisht një shtetase 14-vjeçe”, njofton Policia.
Gjithashtu është arrestuar edhe një 40-vjeçar, i cili dyshohet se ka publikuar në rrjete sociale, fotografi të ish-bashkëjetueses së tij, me mbishkrime fyese.
“Specialistët e Seksionit për Hetimin e Krimeve Kibernetike referuan materialet në Prokurori, ku nisi procedimi penal për shtetasin A. P., 40 vjeç, banues në Fier, pasi dyshohet se ka publikuar në rrjete sociale, fotografi të ish-bashkëjetueses së tij, me mbishkrime fyese”.
Materialet procedurale iu referuan Prokurorisë së Fierit, për veprime të mëtejshme.
