Ministrja e Infrastrukturës dhe Energjisë, Belinda Balluku, ka dalë në një konferencë për mediat, ku po prezanton prioritetet për vitin 2024.
Gjatë fjalës së saj Balluku foli për projektet infrastrukturore që përfundojnë në vitin që sapo kemi hyrë.
Kështu parashikohet që Tuneli i Llogarasë të përfundojë në fillim të sezonit veror të vitit 2024, si dhe që rruga Thumanë-Kashar si një nga akset më të rëndësishmë të korridorit blu të futet në funksion gjatë verës të vitit 2024.
“2024 do të shënojë dy momente të rëndësishme për infrastrukturën rrugore fillimisht me dorëzimin e Tunelit të Llogarasë që do të përfundojë në fillim të sezonit veror të vitit 2024. Në 30 qershor 2024 kjo vepër do të dorëzohet sipas parametrave të parashikuara.
Kemi nisur vitin me një inspektim në aksin Thumanë-Kashar si një nga akset më të rëndësishmë të korridorit blu edhe për shak të turistëve te huaj që këtë vit kanë arrdhur në vendin. Kështu është kërkuar që Thumanë-Kashar të futen në funksion gjatë verës të vitit 2024.
Lajmi i mirë është se në Dhjetor 2024, ndoshta edhe më shpejt, megjithatë dua që të jap afatin maksimal, me përfundimin e tunelit të Murrizit ku janë hedhur qindra tonë hekur për ta mbajtur dhe mos pasur asnjë problematikë në të ardhmen rruga e Arbrit do të përfundojë. Nga ana tjetër një tjetër aks që do të përfundojë në dhjetor të vitit 2024 është Unaza e Madhe e Tiranës. Unaza e Madhe e Tiranës do të jetë e disponueshme për të përthithur të gjithë trafikun që vjen nga autostradat e veriut e jugut, apo dhe të lindjes. Kështu që të gjithë banorët e kryeqytetit nuk do t’i duhen më që të kalojnë qytetin mes për mes për të shkuar nga një pikë në tjetrën”-tha Balluku
