Policia ka arrestuar një 31-vjeçar, të cilit iu gjet një sasi kanabisi në makinë. Shtetasi me iniciale N.N., banues në Tiranë, kishte fshehur 3 kg kanabis brenda një televizori dhe po e transportonte nga kryeqyteti drejt Lezhës. Ai u kap në kthesën e Patokut gjatë operacionit policor të koduar “Patoku”.
“Policia nisi operacionin, mbi bazën e një informacioni të marrë nga qytetarët për një shtetas i cili ishte nisur nga Tirana në drejtim të Lezhës dhe me automjetin e vet po transportonte lëndë narkotike. Gjatë kontrollit të ushtruar në automjetin e N.N., 31 vjeç, në brendësi të një televizori, u gjet dhe sekuestrua në cilësinë e provës materiale 3 kilogramë lëndë narkotike, të dyshuar Cannabis Sativa”, njofton policia./Opinion.al
