Në botë sot njerzit jetojnë më gjatë, dhe jetëgjatësia mesatare globale është rritur ndjeshëm, pasi në vitin 2017 kishte arritur deri në 71 vjeç. Por gjithsesi brenda po atij viti kanë ndërruar jetë 56 milion njerëz.
Cilat janë shkaqet më të mëdha të vdekjes në rang global?
Vrasësi kryesor janë sëmundjet kardiovaskulare, të cilat ndikojnë në zemër dhe arterie dhe prekin kryesisht moshën e dytë apo të tretë.
Në vend të dytë renditen sëmundjet e kancerit, që zënë një numër të konsiderueshëm të vdekjeve në rang global.
Në vend të tretë janë sëmundje të tjera si diabeti, sëmundje në aparatet e frymëmarrjes apo dhe sëmundjet mendore.
Në vendin e katërt, renditen sëmundjet e sistemit tretës.
Në vendin e pestë renditen çrregullimet neonatale, vdekja e një fëmije brenda 28 ditëve të para.
Në vend të gjashtë renditen aksidentet rrugore.
Dhe në vend të fundit, janë vdekjet nga vetëvrasja apo vrasja nga një person i dytë.
Sipas “BBC’ po në rang global rreziku i vdekjes nga sulme terroriste prevalon në shifra tepër të ulëta, rreth 0.5%. Lajm i mirë është se numri i fëmijëve që vdesin çdo ditë në botë ka rënë ndjeshëm, por nënat e reja që vdesin para apo dhe pas lindjes kanë një përqindje më të lartë se sa 10 vite më parë./Opinion.al
