Me qëllim shmangien e rënies ekonomike, qeveria kineze ka adoptuar një paketë me politika, për të mbështetur rifillimin e punës dhe të prodhimit, duke përfshirë: politika fiskale, monetare, financiare dhe tregtare. Për të ruajtur likuiditetin në treg, Banka Popullore e Kines, ka ndërhyrë në treg nëpërmjet politikave monetare, si: transaksionet në tregun e hapur, niveli i kërkuar i rezervave, lehtësirat në dhënien e huave, rifinancimet etj.
Institucionet financiare kineze gjithashtu kanë implementuar një sërë masash për mbështetje financiare, sidomos për bizneset e vogla dhe të mesme, duke përfshirë: uljen e normës së interesit, shtyrjen e pagesës së kestit te kredise, rinovimin e linjave të kredive dhe vënia në dispozicion e linjave të veccanta të kredive me qëllim rikthimin e prodhimit.
Banka Qëndrore inkurajoi financimin online të kompanive, në mënyrë që të financojë bizneset e vogla dhe të mesme.
Kina do t’i ofrojë financim dhe suport kredie biznesit të vogël dhe atij bujqesor. Vendi do të përshpejtojë investimet në kapitalin e vet përmes Fondit të Garancisë së Financimit Shtetëror këtë vit, duke synuar të investojë në 10 institucione, të cilat kanë qenë të suksesshme në mbështetjen e firmave të vogla dhe ato bujqësore e rurale. Fondi gjithashtu do të bashkëpunojë me kreditë e bizneseve të mëdha dhe planifikon të rrisë shërbimet e risigurimit me 400 miliardë yuan (56.4 miliardë dollarë) këtë vit
Njerëzit mund të hyjnë në shërbimin e regjistrimit të papunësisë në platformën e shërbimeve online të ministrisë ose përmes aplikacionit smartphone, si dhe në faqet e internetit tha ministria në një deklaratë në internet. Ata gjithashtu mund të shkojnë tek autoritetet lokale të punësimit publik për t’u regjistruar. Shërbimi i regjistrimit është për persona të papunë në moshë pune, të cilët kanë aftësi të punojnë dhe duan të gjejnë një vend pune, përfshirë të diplomuarit dhe njerëzit që kanë lënë punën, tha ministria. Ata që janë të regjistruar, do të jenë në gjendje të gëzojnë shërbime falas siç janë udhëzimet për politikat dhe ligjet e punësimit dhe gjetje-perputhje vendi pune.
Gjatë muajit Janar dhe Shkurt shitjet në sektorin e pakicës kanë rënë në masën 20.5% në krahasim me një vit më parë.
Një nga mënyrat që Kina po ndërmerr për të nxitur popullësine që të rrisë blerjet është përdorimi i kuponave digjital, të cilat emetohen nga qeveritë lokale dhe shpërndahen tek njerëzit nëpermjet platformave të tilla si: Alipay dhe Wechat Pay. Rezidentët bëjnë logimin në këto platoforma (që janë app në cel) dhe mund të përdorin kuponat për të paguar në restorante, dyqane dhe kur udhëtojnë për një periudhë të shkurtër kohore.
Më shumë se 30 provinca dhe qytete kanë vënë në përdorim keta kupona dixhital.
Hangzhou pjesë e provincës së Zhejiang planifikon të emetojë kupona të tillë me vlerë 1.68 billion yuan ($237 mio)
Nanjing, pjesë e provincës së Jiangsu, ka shpërndarë tashmë kupona me vlere 318 mil Yuan
Në Hangzhou është kërkuar që të shpenzohet një shumë minimale, me qëllim që qytetaret të përfitojnë kuponat (psh kërkohet të blihen mallra me vlerë 40 yuan, për të harxhuar një kupon me vlerë 10 yuan. Gjithashtu qytetarët mund të përdorin deri në 5 kupona në javë
Për të nxitur konsumin, vende si Hong Kong dhe Macao ka zgjedhur të shpërndajë para në vend të kuponëve
Kërkesa për investime të sigurta rrit volumin e instrumentave me bazë monedhen kineze yuan. Blerja e këtyre instrumenteve u rrit në 2.28 trilion yuan të hënën, sipas të dhënave nga Bond Connect Co Ltd- kompani me baze ne Hong-Kong, që lejon investitorët nga Kina dhe jashtë saj, të shkëmbejnë në tregjet e obligacioneve të njeri tjetrit.
Alibaba group bëri publike të martën, 16 masa për të përkrahur biznesin e vogël dhe të mesëm që po përballojnë vështirësitë më të mëdha ekonomike nga virusi.
Nga përvetësimi i klientëve tek digjitalizimi e deri te financimi, mbështetja në 5 aspekte të operacioneve të biznesit synon të ‘ndihmojë bizneset e vogla dhe të mesme të kalojnë këtë dimër ekonomik’.
“Ne do të shpërndajmë fuqinë e tregtisë dhe teknologjisë që Alibaba ka shfrytëzuar 20 vitet e fundit për të krijuar rrjete të reja furnizimi, të stimulojmë kërkesën e re dhe të promovojmë shkembime të reja nëpërmjet një serie masash te rrepta”.
Për ato biznese që janë goditur fort nga tregtia ndërkombetare, Alibaba tha se do të verë në dispozicion burimet e Aliexpress, T-mall ëorld për të zgjeruar shtrirjen e klientëve.
Alibaba u zotua të ndihmojë ndërmarrjet e eksportit të eksplorojnë tregun e brendshëm, duke i rekrutuar ata si furnitorë për T-mall dhe Taobao (version kinez i Aliexpress). Do të krijojë gjithashtu një “zonë eksporti” në 1688.com, një platformë që lehtëson biznesin me shumicë.
Për herë të parë që nga shperthimi i virusit, Kina raporton 0 raste të reja vdekje në të gjithë vendin. Për muaj me rradhë, cdo mëngjes në oren 03:00, zyrtare ne Kine, kanë publikuar shifrat e reja të shpërndarjes së virusit. Deri në kete moment, janë regjistruar 81,740 të infektuar dhe 3,331 vdekje.
Organizata Boterore e Shëndetësisë (OBSH) lëvdon masat e marra për përballimin e krizës nga qeveria kineze, duke theksuar ‘shpejtësinë me të cilën zbuluan virusin dhe transparencën e treguar’. Sidoqoftë, javeën e kaluar, ministri britanik Michael Gove u shpreh për BBC se ‘disa nga raportimet e ardhura nga Kina, nuk kishin treguar qartë shkallën e infektimit te virusit’ (BBC Asia)
Qytetarët e Wuhan-it i thanë lamtumirë të hënën, grupit të fundit të mjekëve dhe infermierëve të ardhur nga Pekini. Ky grup mjeksor kishte mbërritur në Wuhan më shume se 70 ditë më parë.
Wuhani, gradualisht po i kthehet normalitetit dhe të mërkurën hapet plotësisht për herë të parë që prej 23 janarit (ChinaDaily)
Sipas një studimi të ndërmarrë nga Russell Viner – ekspert i institutit të shëndetit të femijeve – i publikuar të hënën, mbyllja e shkollave (mase kjo e ndërmarrë nga 107 shtete) nuk kontribuon në kontrollin e epidemisë. Ky studim tregon se avantazhet e përfituara nga mbyllja e shkollave nuk janë në proporcion me kostot sociale dhe ekonomike të fëmijëve dhe familjeve. (ChinaDailyHK)
Kina për botën
Kanë mbërritur në Afrikë ndihmat mjeksore të dërguara nga Kina për 18 shtete afrikane. Filipinezët mirepresin ardhjen e një ekipi mjeksor prej 12 ekspertesh kineze dhe disa pajisje mjeksore, për të ndihmuar në këtë situatë të vështirë.
Deri në 5 prill, Kina ka dërguar 302 avione charter të cilët kanë transportuar më shumë se 110 profesionistë mjeksorë dhe 4,715 tonë ndihma emergjente, për të mbështetur përpjekjet globale anti-epidemike.
Provinca e Heilongjiang-ut ka raportuar 33 raste te reja te importuara, ne fundjave. Te gjitha rastet ishin te qytetareve kinez te ardhur nga Rusia.
Një makineri 5G, pa ekuipazh që mat temperaturën e njeriut, njeh informacione bazuar në fytyrën e individëve dhe bën të mundur shpërndarjen e mallrave, ushqimeve pa prekje, i shërben studentëve të Pekinit./Përgatiti: Ina Pashollari
