Policia Rrugore e Shkodrës ka vendosur mbi 700 masa administrative për shkelje të ndryshme të kryera nga drejtuesit e mjeteve.
Mësohet se janë proceduar penalisht 12 shtetas për drejtim mjeti në gjendje të dehur dhe pa leje drejtimi, si dhe janë pezulluar 6 leje drejtimi.
“Policia Rrugore e Shkodres, e angazhuar 24/7, me pajisje të logjistikës bashkëkohore, në çdo aks të qarkut, për të parandaluar aksidentet dhe për të menaxhuar trafikun.
Gjatë sezonit veror, kur fluksi i lëvizjeve në akset rrugore kryesore të Shkodrës dhe të zonave bregdetare është në kulmin e tij, Policia Rrugore ka përforcuar kontrollet dhe monitorimin. Me patrullime të shtuara dhe përdorim të teknologjisë së avancuar, fokuset kanë qenë rritja e parametrave të sigurisë rrugore dhe parandalimi i çdo lloj shkeljeje që mund të çojë në aksidente.
Gjatë 10 ditëve të fundit, në Qarkun Shkodër janë proçeduar penalisht 12 shtetas për drejtim mjeti në gjendje të dehur & pa leje drejtimi si dhe janë pezulluar 6 leje drejtimi.
Janë vendosur 717 masa administrative për shkelje të ndryshme, konkretisht:
- 262 për parakalime të gabuara;
- 30 për mosvendosjen e rripit të sigurimit
- 19 për përdorimin e celularit gjatë drejtimit të mjetit;
- 27 për mosmbajtjen e kaskës mbrojtëse;
- 18 për drejtim të mjetit, nën ndikimin e alkoolit;
- 16 për mungesë të polices se sigurimit;
- 78 për parkim të gabuar
- 320 për shkelje të tjera të Kodit Rrugor”, njofton policia.
