“Shqipëria dikur një vend i izoluar në kohën e komunizmit, tani po gëzon një reputacion si një destinacion i guximshëm, i pacënuar, plot aventura dhe shumë i përballueshëm”, shkruan gazeta gjermane Prisma.
Media gjermane e krahason Shqipërinë me Greqinë apo fqinjët e tjerë si Italia dhe thotë se është një alternarivë interesante e mjaft konkurruese.
Në veri, mund të shijoni peizazhin malor kryesisht të paprekur, me lumenj bruz që rrjedhin nëpër një horizont të pafund majash të mjegullta.
Në bregdet, ujërat blu të shndritshëm takohen me plazhet ranore të ndriçuara nga dielli, të ndara nga brigje shkëmbore dramatike, dhe në brendësi mund të zbuloni kulturën tradicionale shqiptare.
Dhërmiu është një nga vendet më magjepsës për pushime verore.
Plazh i gjerë me rërë, bare plazhi dhe një numër në rritje vendpushimesh.
Në fshatin e vjetër bregdetar po punohet për ruajtjen e traditës dhe paprekshmërinë e siteve kulturore.
Shtëpitë e vjetra po restaurohen dhe shndërrohen në hotele – duke ruajtur vlerat historike.
Vetëm aventurë! Ju mund të shijoni pamjet mahnitëse të Rivierës Shqiptare përmes një udhëtimi me varkë.
Kryeqyteti, Tirana është i ri dhe plot gjallëri – ngjyrat e theksuara të mureve të ndërtesave largojnë zymtësinë e arkitekturës komuniste.
Shqipëria ofron hotele të reja edhe në fshatrat e vjetër. Një vend në tranzicion që po zhvillohet me ritme të shpejta”, shkruhet ndër të tjera në artikull.
