Udhëtimi nëpër Atlantik mund të bëhet më i lehtë nëse koncepti për avionin ‘Antipode’ bëhet realitet. Inxhinieri kanadez Charles Bombadier ka projektuar konceptin e avionit supersonik ‘Antipode’, i cili përdor motorët e raketave për të fluturuar me shpejtësi 20 mijë km/h.
Në teori, avioni mund të mbajë deri në 10 pasagjerë, dhe të fluturojë nga Londra në Nju Jork për 11 minuta. Kjo shpejtësi është 12 herë më e madhe se ajo e arritur nga Concorde.
Inxhinieri zbuloi në tetor të vitit të kaluar konceptin për avionin “Skreemr”, i cili pretendohej se do të fluturonte nga Londra në Nju Jork për 30 minuta. Tani, si duket Bombadier ka gjetur një zgjidhje më gjeniale si të fluturojë avioni më shpejtë.
