Kryeministri Edi Rama ka mbajtur ditën e sotme ceremoninë e ‘mirënjohjes publike’ për shtatë sportistët kampionë.
Ai i shoqëruar nga kampionia Luiza Gega ka nderuar emrat e njohur të sportistëve si: Briken Calja, Erkand Qerimaj, Zelimkhan Abakarov, Lara Colturi, Eklent Kaçi, Alban Beqiri dhe Genta Beqja.
Kampionët e disiplinave të peshëngritjes, mundjes, skive, bilardos, boksit dhe bodybuilding, janë vlerësuar në ceremoninë e veçantë.
Rama gjatë fjalës së tij ka thënë se ‘Yjet e mirënjohjes publike’ janë shprehje e admirimit, respektit dhe mirënjohjes për atë çka sportistët bëjnë për Shqipërinë dhe shoqërinë.
“Më lejoni t’i uroj mirëseardhjen kreut të Federatës Botërore të Peshëngritjes, mikut im Muhamed. Na lejoni të nderojmë kampionët tanë të rinj, që kanë ngritur flamurin kombëtar dhe kanë bërë të këndohet himni ynë kombëtar në arenën evropiane dhe botërore. ‘Yjet e mirënjohjes publike’ janë shprehje e admirimit, respektit dhe mirënjohjes për çka bëni për Shqipërinë dhe shoqërinë. Jemi të vendosur ta thellojmë mbështetjen për sportistët elitarë, ashtu si lëvizjen në shkolla. Janë dy binarë që çojnë sportin përpara, duke marrë në konsideratë nevojat e atyre që mund të dalin kampionë. Duam të shtojmë një mbështetje për periudhat stërvitore speciale, që së bashku me trajnerët të kenë kushte të denja.
Të pranishëm në këtë event kanë qenë edhe kreu i KOKSH, Fidel Ylli dhe ministrja e Arsimit dhe Sportit, Evis Kushi.
Shtatë sportistët e vlerësuar me ‘yjet e mirënjohjes publike’:
Briken Calja – kampion bote në peshëngritje
Erkand Qerimaj – kampion në peshëngritje
Zelimkhan Abakarov – kampion në mundje
Lara Colturi – kampione në ski
Eklent Kaçi – bilardo
Alban Beqiri – vendi i tretë botëror në boks
Genta Beqja – bodybuilding/Opinion.al
