Euro 2016 është Europiani i minutave të fundit, i golave dhe fitoreve historike (si ajo e Shqipërisë kundër Rumanisë), por është edhe Europiani i gafave, që në këtë edicion janë realizuar kryesisht nga portierët. Fatkeqësisht pjesë e kësaj liste është edhe portieri i kombëtares sonë Etrit Berisha. Në fakt ai dhe Tatarusanu i Rumanisë i kanë kushtuar kombëtareve respektove humbjet në takimet e para të Grupit A. Tatarusanu ka qenë përgjegjës në rastin e golit të realizuar nga Grioud, që ka kaluar në avantazh Francën, ndërsa takimi është mbyllur 2-1 për vendasit. Për sa i takon portierit tonë, rëndon dalja e nxituar në takimin e parë të grupit kundër Zvicrës.
Por sfidën mes këtyre të dyve e fiton Tatarusanu, i cili, në përballjen direkte me Berishën, ka gabuar daljen në rastin e golit të Sadikut, që ka vendosur takimin dhe i ka dhuruar Shqipërisë fitoren e parë në një kompeticion madhor, por që i ka kushtuar gjithashtu eliminimin ekipit rumun. Sindroma e gafave ka prekure dhe Grupin B, ku portierët kanë treguar se kanë disa probleme me goditjet e dënimit. Goli i realizuar nga Mister 100 milionë euro, Gareth Bale, kundër Sllovakisë ka ardhur falë një pozicionim të gabuar nga portieri Kozakic, ndërsa goli kundër Anglisë (përsëri me goditje dënimi) është mundësuar nga një ndërhyje e pasigurt e portierit Joe Hart, i cili mund të kishte bërë diçka më shumë ndaj një gjuajtje nga 30 metra.
Pas gafës në Botërorin e 2014-ës, që ka bërë xhiron e botës, kur në stolin e Rusisë ka qenë Fabio Capello, është kthyer të jetë protagonist edhe Akinfeev, i cili është befasuar në shtyllën e tij nga një goditje dënimi e fuqishme të Dier. Dhe të mendosh se akoma nuk është mbyllur faza e parë e këtij kompeticioni…
Burimi: TeleSport.al
