Orët e fundit, Policia e Tiranës ka kryer disa arrestime dhe procedime penale në kuadër të operacioneve të përditshme për goditjen e veprimtarive të paligjshme.
Sipas njoftimit të policisë, rastet variojnë nga posedimi dhe shpërndarja e lëndëve narkotike, dhuna në familje, kërcënimet, drejtimi i paligjshëm i mjeteve, deri te incidente me të mitur dhe konflikte të ndryshme mes qytetarësh.
Konkretisht janë sekuestruar lëndë narkotike, armë të ftohta disa persona po hetohen nga policia, madje ka edhe nga ata që janë shpallur në kërkim.
Materialet për të gjitha rastet janë referuar Prokurorisë për veprime të mëtejshme.
Njoftimi i policisë Tiranë
Drejtoria Vendore e Policisë Tiranë
Specialistët për Hetimin e Narkotikëve arrestuan në flagrancë shtetasit:
-O. A., 52 vjeç, pasi shërbimet e Forcës së Posaçme “Shqiponja” i gjetën me vete, një sasi lënde të dyshuar narkotike Kokainë, e cila u sekuestrua me cilësinë e provës materiale;
-A. K., 33 vjeç, pasi shërbimet e Komisariatit të Policisë Nr. 2 i gjetën në automjet, sasi lëndësh të dyshuar narkotike Cannabis dhe Ekstazi, të cilat u sekuestruan me cilësinë e provës materiale.
Specialistët për Hetimin e Krimeve të Komisariatit të Policisë Nr. 1 referuan materialet në Prokurori, ku nisi procedimi në gjendje të lirë për shtetasin D. N., 28 vjeç, pasi dyshohet se për motive të dobëta, ka kanosur një 33-vjeçar, dhe e ka goditur atë, me grushte.
Specialistët për Hetimin e Krimeve të Komisariatit të Policisë Nr. 3:
-arrestuan shtetasin M. H., 38 vjeç, sepse ka ushtruar dhunë ndaj bashkëjetueses së tij;
-referuan materialet në Prokurori, ku nisi procedimi në gjendje të lirë për shtetaset S. D., 23 vjeçe dhe K. I., 23 vjeçe, pasi dyshohet se për motive të dobëta, janë konfliktuar fizikisht, me njëra-tjetrën.
Specialistët për Hetimin e Krimeve të Komisariatit të Policisë Nr. 5 referuan materialet në Prokurori, ku nisi procedimi në gjendje të lirë për shtetasin E. C., 42 vjeç, pasi dyshohet se ka kanosur një 68-vjeçare.
Specialistët për Hetimin e Krimeve të Komisariatit të Policisë Nr. 6:
-referuan materialet në Prokurori, ku nisi procedimi në gjendje të lirë për shtetasin A. S., 51 vjeç, pasi dyshohet se gjatë një konflikti për motive të dobëta, ka kanosur me armë të ftohtë, një 22-vjeçare. Me cilësinë e provës materiale u sekuestrua arma e ftohtë;
-shpallën në kërkim shtetasin A. K., 37 vjeç, pasi ka kallëzuar daja i tij, se 37-vjeçari i ka ndezur një zjarr në afërsi të banesës. Punohet për kapjen e shtetasit A. K., si dhe për sqarimin e rrethanave të rastit.
Specialistët për Hetimin e Krimeve të Komisariatit të Policisë Krujë referuan materialet në Prokurori, ku nisi procedimi në gjendje të lirë për shtetasin E. H., 20 vjeç, pasi në afërsi të banesës së tij, u gjetën disa gota plastike, në të cilat ishin mbjellë fidanë të dyshuar narkotikë Cannabis Sativa.
Specialistët e qarkullimit rrugor arrestuan shtetasit:
-J. Gj., 27 vjeç, pasi u kap duke drejtuar automjetin, pa leje;
-E. B., 37 vjeç, pasi u kap duke drejtuar automjetin, në gjendje të dehur.
Është paraqitur për mjekim, në spital, një 15-vjeçar, i cili dyshohet se kishte konsumuar pije alkoolike, në lokal. Pas marrjes së ndihmës mjekësore, ai është larguar në banesë. Materialet procedurale iu referuan Prokurorisë, për vlerësim të metejshëm të rastit.
Në rrugën “Dritan Hoxha”, një 12-vjeçar ka përplasur me biçikletën me të cilën lëvizte, këmbësoren, shtetasen V. Sh., 72 vjeçe, e cila është aktualisht në kujdesin e mjekëve.
Shtetasi A. B., 19 vjeç, kallëzoi se ka gjetur të dëmtuar xhamin e automjetit të tij. Nga automjeti nuk është marrë asgjë. Punohet për sqarimin e rrethanave të rastit, si dhe për identifikimin e autorit/ëve. Materialet procedurale iu referuan Prokurorisë së Tiranës, për veprime të mëtejshme.
