Të dielën ndërroi jetë në moshën 78-vjeçare legjenda e futbollit gjerman Franz Beckenbauer, i njohur edhe si “Der Kaiser”.
Beckenbauer ishte një futbollistë i njohur edhe për audiencën shqiptare edhe pse në kohën kur ai luante në fushë vendi ynë ende vuante shtypjen e sistemit komunist.
Në kuadër të eliminatoreve të Kupës së Botës, Beckenbauer erdhi në vendin tonë në vitin 1971. Gjermani në atë kohë u përball me Kombëtaren shqiptare në stadiumin “Qemal Stafa”, duke fituar me rezultatin minimal 0-1.
Pas ndeshjes Franz Beckenbauer vlerësoi kapitenin e Kombëtares së asaj kohe Panajot Panon, duke thënë se ishte një ndër sulmuesit më të fortë me të cilin ishte përballur dhe pas duelit i dhuroi shqiptarit këpucët e tij me të cilat luajti në atë ndeshje..
Fotografia që shini më poshtë është shkrepur nga shoku i tij i skuadrës Berti Fogst në Aeroportin e Rinasit më 1971, kur të huajt detyroheshin të dezinfektonin duart dhe këpucët për të mos sjellë “sëmundjet” e kapitalizmit në Shqipëri.
Franz Beckenbauer ka dhe një foto ku shfaqet në bulevardin “Dëshmorët e Kombit” në Tiranë.
Në një tjetër foto që tregon momentet e qëndrimit të “Der Kaiser”. në vendin tonë në vitin 1971 është edhe ajo në bërë në tribunën e stadiumit të Elbasanit.
Beckenbauer është kujtuar edhe nga gazetari, Andi Bushati, i cili në rrjetin e tij social “Facebook” ka postuar një foto ku shfaqet krah legjendës së futbollit gjerman shumë vite më parë. Fotoja është shkrepur në shtator të vitit 1990 në Tiranë, në atë kohë Beckenbauer ndodhej në vendin tonë si teknik i Olympique Marseille.
Beckenbauer ishte një nga futbollistët më të mirë që kanë luajtur në mbrojtje, teksa me Gjermaninë dhe Bayernin e Munihut ka fituar 20 trofe, përfshirë edhe 2 herë Topin e Artë në vitet 1972 dhe 1976.
