Deri para futjes së makinerive moderne, kafshët kanë luajtur një rol vendimtar në luftë. Janë nëntë rastet më mbresëlënëse. Për shembull, përdorimi i kuajve nga mongolët i lejoi Xhingis Khanit dhe gjeneralëve të tij të ndërtonin perandorinë më të madhe të parë ndonjëherë në histori.
Në librin “Kafshët e Luftës’, autori Jared Eglan tregon për përfshirjen mbresëlënëse të disa kafshëve në luftra.
Nga arinjtë tek pëllumbat, këtu janë 9 shembuj të kafshëve të përdorura në kohë lufte:
1 – Elefantët
Me shtat të lartë dhe dhëmbë të frikshëm, elefantët janë përdorur shpesh në konfliktet e kohëve të lashta. Për herë të parë ato janë përfshirë në ushtritë indiane por edhe nga Pirro i Epirit, Hanibali dhe Aleksandri i Madh, të cilët i përdornin për të shtypur kundërshtarët e tyre.
2 – Delfinët minanuhatës
Në vitin 1960, Marina amerikane filloi të trajnonte delfinët për të nuhatur minat dhe për të forcuar misionin e mbrojtjes. Delfinët trajnoheshin për të lokalizuar minat nënujore dhe lëshonin një lloj lënde mbi vendndodhjen e tyre që i lejonte më pas marinës ta çaktivizonte.
3 – Qentë antitank
Pasi sovjetikët u tradhtuan nga nazistët gjatë Luftës së Dytë Botërore, kjo i kapi rusët krejtësisht të pambrojtur. Dhe në përpjekje të dëshpëruar për të ndaluar avancimin e nazistëve në territorin e tyre, sovjetikët vendosën të trajnojnë qentë për të vendosur bomba përpara tankeve naziste.
4 – Derrat
Derrat janë regjistruar si kafsha më efektive për të luftuar elefantët. Thuhet se elefantët tmerroheshin nga hungërima e derrave, kështu që si romakët ashtu edhe ushtria e Aleksandrit të Madh i përdorën derrat në luftërat kundër armiqve të tyre që përdornin kafshën gjigande.
5 Bombat “lakuriq nate”
Kjo lloj arme u përdor nga SHBA-ja kundër Japonisë gjatë Luftës së Dytë Botërore. Kjo bombë përmbante parashutën e saj, në këtë mënyrë duke i dhënë krahë për të fluturuar dhe e telekomanduar për të gjetur vende për të shpërthyer. SHBA-ja kishte në plan të hidhte qindra të tilla në qytetet industrial japoneze.
6 – Luanët e detit
Marina Detare amerikane, përveç delfinëve, gjithashtu “punësoi” luanët e detit. Kjo kafshë përdorej për të ruajtur instalimet dhe anijet në portet amerikane kundër armiqve zhytës.
7 – Pëllumbat raketalëshues
Raketat e drejtuara nga pëllumbat u përdorën në vitin 1948. Raketat kishin një lente në pjesën e përparme që tregonte imazhin e objektivit. Megjithatë ky program nuk ishte aq i suksesshëm.
8 – Një ari ushtar
Votjek lindi në vitin 1942, dhe në fund të Luftës së Dytë Botërore ishte pjesë e ushtrisë polake. Ushtarët polakët e gjetën ariun në një kamp pune në Siberi gjatë pushtimit të Rusisë nga nazistët. Që atëherë ariu u bë “mik” me ushtarët, duke pirë duhan, alkool e duke ngrënë me ta.
9 – Macet spiune
Macja akustike ishte një projekt i CIA-s në vitin 1960, i planifikuar për të përdorur macet për të spiunuar Kremlinin dhe ambasadat sovjetike. Macet e përdorura në projekt kishin mikrofona të vendosur në kanalet e veshëve të tyre, dhe një radiotransmetues në bazën e kafkave të tyre./ Tirana Observer/
