Ulja e avionit në Ishëm
Mëngjesin e 15 Shtatorit një avion i vogël është ulur në fshatin Gotull të Ishmit, ndërsa policia ka konstatuar se mjeti kishte pësuar dëmtime gjatë momentit të uljes.
Piloti i avionit, shtetasi italin Guido Andrea Guidi, 69 vjeç, ka treguar fillimisht se ishte nisur nga Bari për një udhëtim turistik dhe duke fluturuar mbi det ka konstatuar një defekt që e ka detyruar të ulet në zonën ku edhe është dëmtuar.
Pas akuzave të opozitës se mjeti kishte ardhur për trafik të narkotikëve, i pyetur nga prokuroria piloti ka pranuar të bashkëpunojë duke u shprehur se ishte porositur nga trafikantë shqiptarë për të kryer transportin e drogës nga Shqipëria drejt Italisë, kundrejt një shume prej 20 mijë eurosh.
Piloti është liruar dhe mbahet në një vend të veçantë, tashmë në kushtet e një bashkëpunëtori të drejtësisë.
Vdekja e gruas shtatzënë dhe foshnjës së saj
Një grua shtazënë dhe foshnja që ajo priste të lindte, kanë ndërruar jetë në orët e para të mëngjesit të 16 shtatorit në maternitetin Koço Gliozheni.
Menjëherë pas ngjarjes tragjike, familjarët e 35 – vjeçares Aida Cajka nga Paskuqani kanë akuzuar mjekët e maternitetit për vdekjen e saj, që sipas tyre erdhi si pasojë e sorrollatjeve nga njëri spital në tjetrin dhe mungesa e oksigjenit.
Ata kanë treguar se gruaja nuk është mbajtur në maternitet, por është përcjellë drejt qendrës spitalore “Nënë Tereza”, pa iu dhënë asnjë ndihmë, ndërsa kjo e fundit e ka dërguar dërguar në senatorim. Senatoriumi e ka kthyer serish ne maternitet, ku nëna e dy fëmijeve, humb jetën, teksa priste të lindte fëmijën e saj të tretë, si pasojë e çarjes së shpretkës. Pas akuzave te familjarëve, prokuroria ka nisur hetimet, ndaj tre mjekeve të maternitetit Koço Glizoheni, ndërsa janë ndaluar dy prej tyre.
Ne foto: Vellai i Aida Cajka
PD çon në kushtetuese ligjin e vetingut
Ligji i vetingut, si pjesë e rendesishme e reformës në drejtësi, ka hasur sërish në ngërç. Partia Demokratike ka pohuar se do të dërgojë në Gjykatën Kushtetuese këtë ligj vetëm një ditë pas hyrjes së tij në fuqi. Sipas kësaj partie, ligji i jep qeverisë kontrollin politik mbi organet që do të vendosin për pastërtinë e gjyqtarëve dhe prokurorëve dhe ka probleme thelbësore me Kushtetutën.
Sipas ekspertëve demokratë, ky ligj, është një instrument i ndryshëm nga ajo që është rënë dakord në Kushtetutë dhe qëllimin e ka vetëm që të kapë Gjyqësorin. Nga ana tjetër, përfaqësuesit demokratë shtojnë se këtë version të ligjit që është miratuar nuk e ka parë as Komisioni i Venecias, sic ka bërë edhe në të shkuarën.
Kuvendi ritkhen ligjin e importit të mbetjeve
Komisioni i Veprimtarive Prodhuese ka miratuar mesditën e 21 Shtatorit projektligjin e ri “Për menaxhimin e integruar të mbetjeve”, pas propozimit të bërë nga deputetet Eduard Shalsi, Ervin Bushati dhe Bujar Derveni në Qershor të këtij vitit.
Sipas deputetëve inicues për këtë projektligji, nevoja e lindjes së tij ëstë e lidhur ngushtësisht me fatin e konpanive ricikluese, të cilave u mungon lënda e parë në vend dhe rrezikojnë falimentin, ndërkohë që do të ndalohet importimi i mbetjeve për magazinim dhe djegie e dpo të importohen vetëm mbetje jo te rrezikshme të dedikuara për riciklim.
Mbrëmjen e 22 Shtatorit, ligji ka ka kaluar në kuvend, ku është miratuar me 63 vota pro, pavarësisht protestave kundër të shoqërisë civile, për imapktin negativ në mjedis.
Sipas këtij ligji, “Këshilli i Ministrave ndalon importin e mbetjeve, që destinohen për incinerim, ndërkohë që pas nenit 48, shtohet neni 49 , që thotë se, Në Republikën e Shqipërisë importohen vetëm mbetjet, jo të rrezikshme, të ngurta, të listës së gjelbër, si lëndë e parë sekondare për të plotësuar nevojat dhe kërkesat e industrisë
Në bazë të këtij projekligji, importi i mbetjeve kryhet vetem në tri pika doganaore që kapacitetet teknike dhe njerëzore për monitorimin e tyre dhe përcaktimi I këtyre pikave do të bëhet nga ministri përgjegjës për Financat dhe ministri përgjegjës për Mjedisin.
Importimi mbetjeve, sipas pikës 1 të këtij ligji, është i mundur vetëm me autorizim të ministrit.
Në draftligjin e miratuar është shtuar një nen i cili parashikon që importit do të lejohet vetëm nëse kompanitë provojnë se nuk ka lëndë të parë për riciklim në vend.
Sipas projektligjit, Këshilli i Ministrave me propozimin e ministrit, miraton listën e mbetjeve, që lejohen të importohen.
