Neymar-PSG nuk është thjesht një thashetheme i merkatos dhe kjo gjë është kuptuar që në fillim. Çdo ditë që kalon të dhënat, që e çojnë brazilianin në Francë, shtohen. Pas videos së sherrit në stërvitje me blerjen e fundit të Barcelona-s, Nelson Semedo, nga Franca ka ardhur një tjetër sinjal që konfirmon transferimin e Neymar te PSG. “Marrëveshja është arritur”, ka thënë një burim anonim afër brazilianit për radion “RMC”
“Neymar ka bërë zgjedhjen e tij”, ka shtuar burimi. “Sherri me Semedo është shembulli perfekt. Urojmë që marrëveshja mes dy klubeve të arrihet mes të hënës dhe të martës. E ardhmja e tij është në Paris”. Por në Spanjë nuk janë aspak dakord, madje presidenti i La Liga, Tebas, ka lajmëruar: “Nëse do të realizohet operacioni do të denoncojmë PSG-në për shkeljen e rregullave të Fair Play-it Financiar, te UEFA, në Bruksel dhe kudo”.
