Neymar do ti duhet ta shikojë Kupën e Amerikës nga tribuna. Ylli brazilian ka pësuar një dëmtim dje i i cili i ka kushtuar shtrenjtë.
Neymar pësoi një dëmtim në minutën e 17 të miqësores Brazil-Katar dhe sulmuesi i PSG konfirmohet zyrtarisht që do të mungojë në Kupën e Amerikës.
“Pas një dëmtimi në kyçin e këmbës së djathtë gjatë ndeshjes kundër Katarit, Neymar u vlerësua dhe iu nënshtrua testeve që konfirmuan këputjen e ligamentit në kyçin e këmbës”, shkruhet në deklaratën e faqes së internetit të Federatës Braziliane të Futbollit. “Për shkak të seriozitetit të dëmtimit, Neymar nuk do të ketë kushtet fizike dhe kohë të mjaftueshme për të marrë pjesë në Copa América Brasil 2019.”
Sulmuesi i PSG u largua me paterica nga stadiumi dhe u dërgua në spital.
Tashmë, trajneri i Brazilit Tite do të duhet të gjejë zëvendësuesin e tij. /Opinion.al
