“Ai nuk erdhi deri këtu për të qëndruar vetëm në një vend”, kështu shkruan prestigjozja, “New York Times” për Gashin, reperin me origjinë shqiptare i cili ka arritur të deportojë në skenat botërore.
“Teksa rritesha, babi im shfletonte gjithnjë New York Times dhe dikur lexonte histori negative për shqiptarët. Sot në 2019-n, djali i tij del aty për diçka pozitive. Kemi lajme të mira.” – shkroi reperi në Instagram teksa publikoi dhe faqen e gazetës.
Ndonëse i larguar prej vitesh nga Kosova, reperi ka shfaqur vazhdimisht një lidhje të fortë me Shqipërinë, muzikën dhe kulturën shqiptare.
“Creep On Me”, një këngë në bashkëpunim me emra të njohur si French Montana dhe Dj Snake, e që u pëlqye masivisht nga publiku ishte kënga që i hapi dyert e famës Gashit./Opinion.al
