Kryeministri izraelit Benjamin Netanyahu shkarkoi shefin e Shërbimeve Sekrete të Brendshme, Ronen Bar, për të cilin shefi i qeverisë kishte deklaruar më herët se nuk kishte më besim.
Kabineti qeveritar e miratoi në unanimitet kërkesën e Netanyahut për ti dhënë fund mandatit të shefit të shërbimeve sekrete, i cili do të duhet të qëndrojë në detyrë deri rreth datës 10 prill kur të emërohet zëvendësuesi i tij.
Veprimi i qeverisë ndodh për herë të parë në historinë e shtetit hebre, por që u bllokua nga gjykata supreme, ku siç raportojnë mediat izraelite një rol të rëndësishëm mund të luajë një dokument që flet për arsyet që çuan në sulmet e 7 tetorit të 2023, që u pasuan nga lufta e egër me Hamasin me të cilin duket se Izraeli po hyn në një fazë të re armëpushimi nëse nuk do të arrihet një marrëveshje e re për të vijuar armëpushimin.
Netanyahu ndërkohë sipas raportimeve nga mediat në lindjen e mesme do të marrë një ndihmë mjaft të madhe për të realizuar planin e tij dhe të Donald Trump për largimin e palestinezëve nga Gaza.
Presidenti egjiptian është vetëofruar që të strehojë përkohësisht në Egjipt gjysmë milioni banorë të Gazës përgjatë kohës që Gaza do të rindërtohet.
Al Sisi ua ka pohuar këtë edhe liderëve të tjerë të vendeve arabe dhe plani parashikon vendosjen e tyre në veri të gadishullit Sinai.
