“Ligjet e luftës parashikojnë mbrojtjen e civilëve dhe ushtria izraelite nuk po e bën këtë në Gaza.” Kështu tha në një intervistë për CNN Sekretari i Përgjithshëm i OKB-së, Antonio Guterres. “Nga numri i viktimave civile është e qartë se kjo nuk po ndodh,” përsëriti ai.
Ndërkohë Benyamin Netanyahu tha në një intervistë në programin “Meet the Press” të NBC se “mund të ketë” një marrëveshje për lirimin e pengjeve të mbajtura nga Hamasi.
Kryeministri izraelit shpjegoi se përpara se të fillonin operacionet tokësore në Gaza, asnjë marrëveshje nuk ishte e mundur. “Por më pas gjërat filluan të ndryshojnë,” tha ai./Opinion.al
