Sekretari Amerikan i Shtetit, Antony Blinken do të vizitojë neser Tiranën. Departamenti Amerikan i Shtetit ka zbardhur axhendën e tij në vendin tonë.
Ai do të mbërrijë në Shqipëri rreth orës 11:00 dhe do të qëndrojë deri rreth orës 20:00. Sekretari amerikan Blinken do të takohet me Presidentin Bajram Begaj dhe kryeministrin Edi Rama, me të cilin do të ketë edhe një konferencë shtypi.
Zyrtarët e lartë amerikanë bënë të ditur se Sekretari Blinken do të falenderojë krerët e shtetit dhe Shqipërinë që ka qenë bashkëpunëtorja e SHBA në Këshillin e Sigurimit të OKB-së nga viti 2000. Gjithashtu, gjatë kësaj vizite përfaqësuesi i lartë amerikan do të theksojë bashkëpunimin e madh të Shqipërisë me SHBA për afganët, si vijim i traditës historike për të strehuar të huajt.
Axhenda e Blinken në Tiranë do të mbyllet me një takim me rreth 100 të rinj që kanë qenë pjesë e programeve mbështetëse të ambasadës amerikane.
