Nesër fillon “Loja” qeveritare me kuponit tatimor

“Loja Promocionale e Kuponit Tatimor” po arrin në finish. Nesër pas dite do të mësohen fituesit. Hedhja e shortit do kryhet në mënyrë elektronike dhe do të trasmetohet nga televizioni nje kombëtar. Sipas njoftimeve të deritanishme në këtë lojë kanë marrë pjesë mbi 28 mijë persona. Ata kanë ruajtur dhe grumbulluar kuponat tatimorë të periudhës 15 nëntor – 31 dhjetor 2015. Kushti kryesor për pjesmarrje ka qenë që në çdo zarf të dorëzuar të kishte jo më pak se 50 kupona tatimorë me një vlerë jo më pak se 5 mijë lekë. Gjithsej do të ketë 511 fitues. Fituesi kryesor do të ketë mundësi të fitojë 1 milionë lekë, 10 të tjerë nga 100 mijë lekë, ndërsa 500 çmime të tjera.
“Loja Promocionale e Kuponit Tatimor” është pjesë e fushatës sensibilizuese dhe promovuese të organizuar nga Drejtoria e Përgjithshme e Tatimeve dhe e mbështetur nga Ministria e Financave. Sipas organizatorëve kjo lojë ka si qëllim sensibilizimin e konsumatorit për tërheqjen e kuponave tatimor gjatë blerjes së produkteve apo shërbimeve. Ka patur disa keqkuptime për mënyrën e zhvillimit të saj, pasi aktiviteti herë është përcaktuar si lojë, herë si llotari.