Dëbora pritet të zbardhë nesër një pjesë të konsiderueshme të vendit tonë, përfshirë edhe kryeqytetin, ndërsa do të kemi rënie drastike temperaturash deri në disa gradë nën zero.
Elsona Gjoni, sinoptikane në Shërbimin Meteorologjik Ushtarak thotë se në vendet e ulëta dhe pjesën veri-lindore, jug-lindore të territorit dita e nesërme parashikohet të zgjohet me reshje dëbore. Reshjet me intensitet më të lartë do të jenë në pjesën veri-lindore dhe jug-lindore të territorit ndërsa në kryeqytet në lartësitë mbi 150 m do të ketë edhe reshje dëbore kryesisht në orët e para të mëngjesit dhe deri në orët e para të ditës”.
“Për sa i përket temperaturave nesër parashikohet të kenë një rënie të ndjeshme kryesisht në vlerat e tyre minimale dhe më konkretisht parashikohen të jenë në vendet malore -6 grade celsius. Ne vendet e ulta -3 gradë dhe bregdeti -1 deri në 7 gradë celcius.
Për sa i përket pastaj fillimit të javës dita e hënë do të ndikojë nga masa ajrore të ftohta kontinentale të cilat do të sjellin një mot kryesisht me kthjellime në Ultësirën Perëndimore ndërsa në veri-lindje dhe jug-lindje të territorit do të ruhen një sistem vranësirash të përkohshme me reshje të izoluara në formën e dëborës. Është për të theksuar se do të ketë një rënie të ndjeshme të temperaturave të cilat do të prekin vlera disa gradë nën 0 të cilat do të bëjnë prezentë gjatë ditës madje dhe ngricat në pjesën më të madhe të territorit”, – u shpreh Gjoni.
