Nesër administrata shtetërore do të jetë pushim ka njoftuar Kryeministri Rama.
Në vazhdën e njoftimit të masave për parandalimin e përhapjes së koronavirusit, Rama bën me dije masa të reja.
“Për kryerjen e detyrës në shërbimet shtetërore ose publike brenda perimetrit tr-dr, gjatë periudhës së “shtet-rrethimit” të fundjavës, punonjësit e aerportit apo të institucioneve të tjera shtetërore që kryejnë funksione të domosdoshme dhe e kanë të pamundur lëvizjen në këmbë, duhet të akreditohen pranë drejtorisë së përgjithshme të policisë së shtetit, emër për emër”, shkruan ai.
Ndër të tjera ndalohet marrja në automjetin e punës e personave të familjes apo personave të tjerë që s’kanë lidhje me detyrën shtetërore. Në të kundërt do të ndëshkohet me sanksione të rënda bën me dije kryeministri.
Sa i përket lëvizjes në aeroport drejtuesi i automjetit duhet t’i tregojë post-bllokut, biletat e fluturimit të personave që do të largohen apo foton e biletave të personave që do të mbërrijnë. /Opinion.al
