Gjatë një vizite në një qendër në Londër e dedikuar komunitetit LGBT Princ William u pyet sesi do të reagonte nëse një nga fëmijët e tij do të ishte homoseksual.
Ai u shpreh diçka të tillë nis t’a mendosh që në momentin kur bëhesh prind për herë të parë dhe ai ishte në rregull nëse diçka e tillë do të ndodhte me një nga fëmijët e tij.
“E di çfarë e kam menduar diçka të tillë këto kohët e fundit, pasi një çift tjetër prindërish më pyeti për të njëjtën gjë. Ti vërtet nuk e mendon diçka të tillë deri në momentin kur bëhesh prind, dhe padyshim jam shumë në rregull me këtë gjë. E vetmja gjë që më shqetëson lidhet me rolin që kanë fëmijët e mi në familjen mbretërore dhe sesi do të pritet dhe interpretohet e gjitha. Kështu që Katherina dhe unë kemi nisur të flasim me ta në mënyrë që të jenë të përgatitur. Mendoj se komunikimi është më i rëndësishëm së çdo gjë në mënyrë që të kuptohemi me njëri-tjetrin duke siguruar kështu mbështetjen që nevojitet për të kaluar këtë proces. Unë shqetësohem jo sepse ata do të jenë homoseksual, por sesi do të pritet nga të tjerët dhe më pas ky presion do t’i kalojë atyre,”-u shpreh Princ William./Opinion.al/
