Zëvendëskryeministrja Belinda Balluku, dhe njëherësh ministrja e Infrastrukturës dhe Energjetikës ka nënshkruar marrëveshjen e huas për ndërtimin e linjës hekurudhore Vorë-Hani i Hotit, së bashku me presidenten e BERZH Odile Reanud-Basso.
Ky lajm është bërë i ditur nga vetë zëvendëskryeministrja përmes një postimi në rrjete sociale, ku ka publikuar edhe disa foto krahas presidentes së BERZH.
Balluku shkruan se ky është një projekt tejet i rëndësishëm jo vetëm për Shqipërinë, por edhe për rajonin , duke theksuar se do të rrisë komunikimin mes vendeve.
“Me Presidenten e BERZH, Odile Renaud-Basso nënshkruam marrëveshjen e huasë për ndërtimin e linjës hekurudhore #Vorë – #Hani i Hotit. Një projekt i rëndësishëm për ne dhe rajonin, i cili do të rrisë komunikimin mes vendeve, duke nxitur e lehtësuar lëvizjen e qytetarëve”, shkruan Balluku./Opinion.al
