Kjo është 40-vjeçarja shqiptare që u vra këtë të enjte në Greqi.
Enkeleida Danaj u godit me thikë në bark dhe si pasojë e plagëve humbi jetën në mes të rrugës në Menidi.
Autoritetet greke dyshojnë se autori është burri i saj po shqiptar Eduart Denaj, ku u zbulua se ka pasur shpesh herë dhunë në familje dhe ishin në proces divorci.
Sipas hetimeve mësohet se dhuna nisi që në 2013 kur ajo e denoncoi për herë të parë, por duke e dashur, e ka falur shumë herë dhe e ka pranuar sërish në shtëpi. Ata janë prindër të dy fëmijëve 15 dhe 17 vjeç.
