Policia e Vlorës ka dalë së fundmi më një deklaratë për shtyp lidhur mbi ngjarjen e ndodhur sot në lagjen “1 Maji” në Vlorë ku u gjetën të shkrumbur në një banesë nënë e bir Salkie Hoxhallari dhe Novruz Hoxhallari. Në komunikatë Policia saktëson se nga ekspertiza e parë mjeko-ligjore në trupin e viktimave janë konstatuar shenja dhune. Ndërkohë që trupat do ti nënshtrohen një ekspertize më të zgjeruar mjeko-ligjore, në familjen Hoxhallari kanë shkuar efektivë të shumtë të policisë që po marrin në pyetje familjarët, ndërsa është shoqëruar në polici kunata e viktimës që kanë pasur konflikt prej kohësh për një shumë lekësh të vjedhur nga bashkëshorti i saj që aktualisht ndodhet në burg.
Po kështu grupi hetimor po merr në pyetje edhe vetë bashkëshorten e viktimës.
Një nga të afërmit e viktimave është shprehur për News 24.
“I gjetëm dy trupat e karbonizuar, në trupin e Novruzit u gjet edhe një cigare. Të qarat e fëmijës larguan nënën e të miturin nga banesa”
