Nëna e shqiptarit Ismail Luli, të vrarë vitin që shkoi më thikë nga dy shokët e tij të ngushtë ka bërë apel para vendimit të gjykatës për Igli Metën dhe Marjo Memën, që të dy të mos dalin më kurrë nga burgu.
Ismail Luli u vra dhe u lidh nga dy shokët e tij në Itali, pas sherrit për të dashurën e Igli Metës, i cili tha se ishte xheloz për Lulin.
Në një intervistë për TGCOM ajo thotë se djalit të saj iu ngrit një kurth nga shokët e tij Igli Meta dhe Marjo Mema. Sipas saj ata duhet të gjykohen dhe të dënohen dhe të mbeten në qeli për krimin e bërë.
Dëbora, 42-vjeçe kërkon drejtësi për djalin e saj që iu morr jeta për një xhelozi adoleshentësh.
“Është minimumi që ata të mbeten në burg. Unë kërkoj që procesi që fillon të japë burg të përjetshëm. Sepse është ajo që meritojnë. Djali im është nën tokë dhe nuk do të kthehet më. Unë kërkoj drejtësi. Kush gabon, paguan,”- thotë nëna e 17-vjecarit të vrarë.
