Mjeku Edvin Prifti i është përgjigjur thirrjes se SPAK dhe është paraqitur këtë të enjte në Prokurorinë e Posaçme për t’u marrë në pyetje. Ai është parë të hyjë brenda i shoqëruar nga avokati i tij. Prifti ndodhet nën hetim prej 4 vitesh.
Mësohet se ai do të pyetet si person nën hetim e me gjase do t’i komunikohet edhe përfundimi i hetimeve.
Sipas gazetares Klodiana Lala Priftit pritet t’i komunikohet akuza.
Emri i Priftit doli në përgjimet e SPAK gjatë hetimit te nje rasti korrupsioni në Gjykatën e Krujës, ku në pranga përfundoi ish-gjyqtarja Enkelejda Hoxha e prej asaj kohe, kardiologu po vijon një përballje të ashpër me drejtësinë.
Gjatë kontrollit në zyrë dhe në banesë, mjekut ju gjetën dhe sekuestruan shuma të mëdha parash. SPAK po e heton nën dyshimet për pastrim parash, si dhe për përfshirje në tenderin e QSUT.
Edvin Prifti i ka kundërshtuar akuzat dhe ka deklaruar se paratë i ka te gjitha te justifikuara.
