Shqipëria dhe Maqedonia e Veriut nuk ia dolën që të merrnin një përgjigje pozitive për hapjen e negociatave më Bashkimin Europian.
Lidhur më këtë çështje ka reaguar përsëri presidenti i Këshillit të Bashkimit Europian, Donald Tusk. Gjatë seancës së Parlamentit Europian të zhvilluar mëngjesin e kësaj të marte në Strasburg , janë zhvilluar diskutime mbi samitin e BE-së zhvilluar javën e kaluar ne Bruksel.
Tusk është shprehur se mos hapja e negociatave për Shqipërinë dhe Maqedoninë e Veriut ishte një gabim, të cilin sipas tij, ua ka thënë dhe liderëve të BE-së.
“Liderët e BE patën një debat të vështirë mbi zgjerimin në këshillin e BE-së. Pas rekomandimit të qartë të Komisionit Europian për të hapur negociatat me Maqedoninë e Veriut dhe Shqipërinë, pavarësisht kësaj, unanimiteti i kërkuar nuk ishte i mundur javën që lamë pas. Sipas opinionit tim, ky ishte një gabim të cilin ua kam thënë liderëve të BE-së madje ishte pak më i drejtpërdrejtë. Tani vetëm mund të shpresoj se liderët e BE-së të nxjerrin konkluzionet e duhura dhe ta diskutojnë procesin e zgjerimit përpara samitit të Zagrebit që mbahet në Maj të vitit 2020” – u shpreh Tusk./ Opinion.al E.Xh.
