Pas takimit me Ramën sot në Presidencë, Basha tha se pa një zgjidhje politike nuk do të ketë zgjedhje. Nga çadra e lirisë, Basha tha se Rama u tërhoq nga oferta e tij e para një javë, ndërsa theksoi se nuk do të bojkotojnë, pasi nuk mund të rrinë duarkryq.
Basha: Unë shkova në këtë tyrezë ashtu si ju premtova ju, me vullnetin e plotë për të mos kërkuar, pranuar dhe marrë asgjë për përfitimet politike të miat, PD dhe opozitës, por po kështu për të mos lëshuar asgjë nga të drejtat legjitime hynore të qytetarëve shqiptarë për zgjedhje të lira dhe të ndershme për votën e lirë si themeli i bashkëjtesës demokratike.
Shkova me zotimin e marrë nga partnerët nderkombëtare dhe vecantë PPE, se PD dhe unë personalisht nuk do të lëme asnjë mundësi pa eksploruar me kushtin e vetëm që të garantojë zgjedhje të lira dhe të ndershme.
Dy janë kollonat e vullnetit politik pa të cilat asnjë mekanizëm nuk funksionon: As ndryshimet në kodin zgjedhor, as në atë penal nuk kanë vlerë nëse janë në dorë të të njëjtit mekanizëm që kanëq qenë në këto 4 vite.
Dje këmbanat e Europës kanë rënë për çdo shqiptar, dhe për Edi Ramën. Shqipëria është në krizë politike dhe kërkohet zgjidhje politike. Ky që kishte fërkuar duart me lobistët e tij, kishte shpresuar të pamundurën që ne kallëzuesit e problemeve të shqipërisë të tregoheshim si fajtorë, dje e kuptoi se edhe kur investon me lobiste, kur gënjen me media të kapura, e vërteta vonon por një ditë arrin në stacion.
E vërteta ka mbërritur në stacionet e mëdha të perëndimit. Droga dhe krimi janë kërcënimi për zgjedhjet e ardhshme. Pa zgjidhje për krimin e veshur me pushtet, pa zgjidhje të vërtetë, politike nuk ka e nuk do të ketë zgjedhje në Shqipëri.
Pra nuk do të ketë as bojkot se ne vetëm duarkryq nuk do të rrime.
Nuk do të rrimë duarkryq. Kemi ofruar sot gjithcka që PD mund të ofrojë për zgjidhjen, pala tjetër është tërhqeur edhe nga propozimet e javës së kaluar që vetë i loboi që në vetëvete ishin shumë më pak për të siguruar garancinë.
