Bima e kakaos është tepër delikate, dhe me ndryshimin e klimës në të ardhmen mund të zhduket. Një rritje e temperaturës me 2.1 gradë celcius mund të jetë fundi i industrisë së çokollatës në mbarë botën.
Më shumë se gjysma e çokollatës së botës vjen nga dy vende të Afrikës Perëndimore: Bregu i Fildishtë dhe Gana, ku temperatura, shiu dhe lagështira janë kushtet optimale për lulëzimin e bimës së kakaos.
Por ndryshimet klimaterike që vijnë nga ngrohja globale pritet të shkaktojnë humbje të lagështirës, e për pasojë një prishje të balancës. Fermerët në rajon po shohin zona të tjera ku të mund të kultivojnë kakao që ne të vazhdojmë ta lexojmë në menu.
Terrenet malore duken më të përshtatshmet për momentin, por ato zona ruhen për kafshët e egra, dhe një lëvizje e kësaj shkalle do të shkatërronte ekosistemet që janë që tani në rrezik nga bujqësia ilegale dhe shpyllëzimi.
Një pjesë e problemit, sipas eksperëve, vjen edhe sepse metodat e kultivimit të kakaos nuk kanë ndryshuar për qindra vjet.
