Gruaja e shefit të spiunazhit të Ukrainës, gjeneral Kyrylo Budanov, po trajtohet në spital për helmim, të dyshuar me metale të rënda, ka konfirmuar një burim i inteligjencës ukrainase për BBC.
Marianna Budanova është sëmurë, tha burimi, duke mos dhënë informacion të mëtejshëm nëse dikush tjetër po trajtohej.
Disa media ukrainase publikuan më parë informacion të ngjashëm.
Inteligjenca ushtarake e Ukrainës nuk i ka komentuar publikisht këto raportime.
Gjithashtu në këto raportet nuk thuhet nëse Rusia mendohej të qëndronte pas sulmit të supozuar.
Faqja e lajmeve e Ukrainës Ukrainska Pravda tha se disa zyrtarë të tjerë të inteligjencës janë helmuar gjithashtu. Megjithatë, nuk ka pasur informacion se Gjenerali Budanov mund të ketë qenë shënjestër.
Gjenerali, i cili drejton Drejtorinë Kryesore të Inteligjencës (DIU) të ministrisë së mbrojtjes të Ukrainës, ka luajtur një rol kyç në planifikimin dhe në ekzekutimin e operacioneve të mëdha ushtarake kundër forcave ruse, pas pushtimit në shkallë të plotë të Moskës në shkurt 2022./Opinion.al
