Kryeministri Edi Rama ka zhvilluar ditën e sotme një takimi elektoral në Shkodër, ku ka prezantuar kandidatët për deputetë në këtë qark.
Gjatë fjalës së tij, Rama është shprehur se skuadra e tyre është shumë përfaqësuese, gjë të cilën e ka konsideruar si një avantazh të madh.
Më tej kryeministri shtoi se nuk kanë asnjë kundërshtar përballë, por vetëm horizontin e BE-së.
”Në Shkodër, kemi arritur të formatojmë një skuadër që është shumë përfaqësuese, që mbulon praktikisht të gjitha ndjeshmërie dhe njëkohësisht edhe kategoritë, që u flet të gjithëve, pavarësisht moshës, gjinisë dhe prejardhjes, pasi kushdo që jeton në Shkodër, apo është i lidhur me Shkodrën, e ka mundësinë që në këtë skuadër të gjejë atë që do.
Ky është avantazh i madh për ne, krahasimisht me ata që kemi mbrapa, se përballë kemi vetëm horizontin e BE. Nuk kemi kundërshtarë përballë, i kemi vetëm mbrapa. Prandaj dëgjojmë në mënyrë të vazhdueshme, zhurma, mallkime, sharje, britma dhe lehje”, u shpreh Rama.
