Në Shtetet e Bashkuara po shënohet Dita e Presidentëve, një festë kombëtare që e ka zanafillën që nga viti 1879.
Me vendim të Kongresit, në vitin 1968 e hëna e tretë e shkurtit u shpall festë kombëtare për nder të George Washingtonit, i cili ka lindur më 22 shkurt.
Abraham Lincolni, presidenti i 16-te amerikan, lindi më 12 shkurt, prandaj edhe kjo quhet Festa e Presidentëve.
Qeveria federale është në masë të madhe e mbyllur në këtë ditë, fëmijët e kanë ditë pushimi nga shkolla. Në kryeqytetin amerikan, Uashington, rrugët kanë marrë pamje të shkretë pasi njerëzit e festojnë me familjet këtë ditë, ndërkohë që qyteti po mbulohet nga rreshje të reja bore.
