Në qershor, ushtarakët shqiptarë që ndodhen në Letoni, pjesë e të cilëve edhe Zarifja do të ktheheshin në atdhe. Por 32-vjeçarja, humbi jetën rreth orës 9 të mëngjesit të së hënës, në një shpërthim të disa municioneve të paplasura. Pas lajmit, familja e Zarife Hasanaj ka hapur dyert e mortit. Në banesën e saj ka patur prezencë të forcave ushtarake.
Siç njofton ministria e Mbrojtjes, familjet e 3 efektivëve u njoftuan personalisht nga përfaqësues të FA, të cilët i vizituan pak minuta pasi u raportua ngjarja në Letoni. Ajo, bashkë me të tjerë ushtarakë shqiptarë, ndodheshin në Letoni në kuadër të grup – batalionit kanadez të Prezencës së Përparuar të Përforcuar të NATO-s.
Kontigjenti aktual, ishte nisur në Letoni më 1 janar të këtij viti, me një mision gjashtë mujor dhe ishin vendosur në bazën Camp Adazi.
Nga shpërthimi kanë mbetur të plagosur komandanti i kontigjentit, Major Klodian Nikolle Tanushi dhe Rreshter Julian Xhevat Kapaj. Këta dy të fundit, janë nën kujdesin e mjekëve në bazën letoneze./ Opinion.al
