Pasi mbajti fjalimin e tij para mbështetësve demokratë, të cilët u mblodhën para Gjykatës së Lartë, Sali Berisha dhe disa eksponentë të tjerë demokrat janë ulur në rrugë për disa minuta.
Bashkë me të shihen të ulur deputetit Flamur Noka dhe mbështetësit e tij. Në fjalim ai u shpreh se masat që po merren ndaj tij nga drejtësia janë pa asnjë akuzë.
Ndërkohë i pyetur nga gazetarët nëse do te prese vendimi, Berisha tha:
“Jo ne jemi këtu siç e dëgjuat, në protestë kundër Gjykatave të shndërruara në armë të narkoregjimit. Gjykata duhej të kishte dhënë vendimin 28 ditë pas vendimit të Apelit. Me urdhër politik e shtyu 9 muaj”.
